Patay ang tulo ka hikers human sa pagbuto sa Mount Dukono sa Indonesia niadtong Biyernes, Mayo 8. Naluwas sa mga rescuers ang tanang survivors gikan sa grupo nga 20 ka hikers nga nawala human sa maong pagbuto sa bulkan.
Sumala pa sa mga opisyal, kadaghanan sa mga naluwas giluwas na gikan sa kabukiran, apan duha kanila ang nagpabilin aron motabang sa pagpangita sa mga nahibiling biktima. Lakip sa grupo ang siyam ka Singaporeans nga giingong misaka sa bulkan bisan pa sa nagpatuman nga climbing ban sa maong lugar.
Sumala sa Volcanological Survey of Indonesia, mibuto ang bulkan alas 7:41 sa buntag local time ug nagbuga og baga nga abo ngadto sa kalangitan Ang Mount Dukono giila isip usa sa pinaka-aktibong bulkan sa Indonesia ug kasagarang giduaw sa mga hiker ug turista bisan pa sa nagbalik-balik nga volcanic activity niini.
