-- ADVERTISEMENT --
Pormal nga miabot sa Pilipinas si His Majesty Hassanal Bolkiah aron motambong sa 48th ASEAN Summit nga gipahigayon karong tuig.
Sumala sa report, mi-landing ang gisakyan nga eroplano sa langyaw nga lider sa Mactan–Benito Ebuen Air Base sa Cebu niadtong Miyerkoles, Mayo 6.
Kauban sa pag-abot sa Sultan ang iyang anak nga si Prince Abdul Mateen Bolkiah, nga miuban sa biyahe paingon sa nasod. Gilauman nga motambong siya sa serye sa pormal nga miting uban sa ubang mga lider sa Southeast Asia isip kabahin sa ASEAN summit.
Lakip sa gihisgutan ang maong isyu sa ekonomiya, seguridad, ug pagpalig-on sa regional cooperation sa mga miyembrong nasod sa Association of Southeast Asian Nations.
