Gikupirma ni Atty. Cristina Conti, assistant to counsel sa International Criminal Court (ICC), nga nabuo na ang Trial Chamber III nga maoy mag gunit sa kaso ni kanhi Pangulo Rodrigo Duterte nga may kalabotan sa war on drugs.Sumala pa ni Conti, ang ICC ang butang sa tulo ka huwes nga sila; Judge Joanna Korner, Judge Keebong Paek ug Judge Nicola Guillou, aron dunggon ang maong kaso.
Dugang pa niya, ang mga mosunod nga lakang puro administratibo ug gakinahanglan og koordinasyon taliwala sa prosecution, defense ug victims’ legal teams. Posible nga adunay pagahimoon nga status hearing sa private session sa umaabot nga mga adlaw. Ang ICC nagsugod sa imbestigasyon sa Pilipinas human sa mga taho sa liboan nga namatay ilawom sa kampanya kontra droga ni Duterte sukad tuig 2016 hangtod 2022.
Niadtong 2021, gitugotan sa ICC Pre-Trial Chamber ang full investigation, ug temporaryo kini nga gisuspinde apan gipadayon kini niadtong 2022. Bisan paman sa pag-atras sa Pilipinas sa Rome Statute niadtong 2019, gibarogan sa ICC nga adunay kini hurisdiksyon sa kunoy krimen nga nahitabo niadtong miyembro pa kini.
Ang pagbuo sa Trial Chamber usaka importante nga parte sa proseso, tungod niini mag-abri pag usab og pormal nga pagdungog kung asa pagahisgutan ang ebidensiya ug testimonya batok sa kanhi Pangulo. Sa pagkakaron, gilauman ang mas hugot nga koordinasyon sa mga partido aron masiguro ang proseso sa proceedings.
