Nadakpan sa Davao City Police Office (DCPO) ang usa ka giilang high value individual kabahin sa kalihukan sa ilegal nga droga human sa malampusong drug buybust operation batok sa usa ka Regional Top Priority Target.
Gilusad ang operasyon sa Purok 1, San Antonio Village, Brgy. Matina Crossing, kagabii pasado alas 7:00 sa gabii, gilusad sa mga otoridad ang usa ka estratehikong buy-bust operation sa.
Subay sa report sa kpaulisan, giila ang dinakpan nga si alyas nga “Dennis.” Nakumpiska gikan sa posisyon ni “Dennis” ang gituohang shabu nga adunay gibana-banaang “street value” nga mokabat sa Php 795,600.00.
Ang kalampusan bunga sa pagtinabangay sa nagkalain-laing unit ubos sa pagdumala ni PCOL Peter Bauzon Madria, DCPO City Director, ug sa pagpangulo ni PMAJ Bernie B. Suaga sa CDEU/SOG-DCPO.
Ang maong operasyon gisuportahan usab sa: Regional Police Drug Enforcement Unit (RPDEU) XI ,1st ug 2nd City Mobile Force Companies.Talomo Police Station ug Philippine Drug Enforcement Agency (PDEA) XI. Matud pa ni PCOL Madria, ang pagkadakop kang alyas “Dennis” usa ka lig-on nga mensahe nga seryoso ang DCPO sa pagguba sa mga network sa ilegal nga droga nga naghatag og hulga sa seguridad sa katawhan.
Sa pagkakaron, ang suspek anaa na sa kustodiya sa mga otoridad ug mag-atubang kini og kaso sa pagsupak sa Republic Act 9165 (Comprehensive Dangerous Drugs Act of 2002).
