Mipanaw na ang bantugang Brazilian nga si Oscar Schmidt sa edad nga 68-anyos sumala sa iyang press office apan wala pa sila naghatag og detalye kabahin sa hinungdan sa iyang kamatayon.
Matod pa, na-confine siya sa ospital sa metropolitan area sa São Paulo human siya mibati og dili maayong kahimtang, subay sa ilahang unang pahayag.
Usa ka myembro sa Basketball Hall of Fame sukad pa niadtong 2013 si Schmidt diin adunay 30 ka tuig nga propesyonal nga karera sa basketball, nga iyahang gigugol sa lokal nga mga team ug sa Europa.
Giila isip usa sa labing maayong three-point shooters sa kasaysayan, si Schmidt nagkupot sa rekord sa labing daghang puntos sa kasaysayan sa Olympic tournament (1,093) ug labing kadaghan usab nga puntos sa usa ka Olympic Games (55).
