Gipasabot ni Rep. Gerville Luistro nga mas importante ang aktuwal nga aksyon kaysa sa label o pangalan sa proseso sa impeachment proceedings batok kay Vice President Sara Duterte.
Sumala ni Luistro, dili angalan sa proseso ang basihan sa konstitusyonalidad niini, kundi ang mga lakang sa komite sumala sa impeachment rules. Nag-ugat ang isyu human niyang tawagon nga “mini-trial” ang pagdungog, nga gikwestiyon sa kampo ni Duterte ug giingon nga Senado lamang ang adunay gahum sa pagpatigayon og trial.
Gibutyag pa sa mambabatas nga ang nahitabo sa House Committee on Justice usa ka “hearing proper” o clarificatory hearing nga mahimong ikumpara sa preliminary investigation. Kung mapamatud-an nga adunay probable cause, mahimo na nga iakyat ang kaso sa plenaryo sa Kamara para sa botohan. Kung maaprubahan, ipasa ang articles of impeachment sa Senado para sa pormal nga pagtaral.
