Gihatagan ni United States President Donald Trump og deadline si Ukraine President Volodymyr Zelenskyy hangtod Nobyembre 27 o sa Thanksgiving Day sa Amerika, aron dawaton ang kontrobersyal nga 28-point peace plan.
Gipaklaro ni Trump nga dili kini ang “final offer”, ug iyang gilauman nga pinaagi niini, matapos na ang gera sa taliwala sa Ukraine ug Russia.
Nagpahayag og pagkabala ka ang mga lider gikan sa Europa, Canada, ug Japan bahin sa plano, ilabi na sa posibleng pagbag-o sa teritoryo, limitasyon sa sandatahang pwersa sa Ukraine, bisan pa nga adunay elemento ang plano nga makatabang sa makatarungan ug dugay nga kalinaw.
Kabahin niini, nakatakda nga magpulong ang mga opisyal sa seguridad gikan sa Britain, France, Germany, US, ug Ukraine sa Geneva, Switzerland karong Domingo aron hisgutan ang plano. Sa social media, giingon ni Zelenskyy nga kinahanglan ang kalinaw ug ilang gipasalamatan ang paningkamot ni Trump ug sa iyang team aron mabalik ang seguridad sa Europa.
Sumala sa US officials ngadto sa ilang mga kaalyado sa NATO, gilauman nga mosang-ayon si Zelenskyy sa kasabotan sa umaabot nga mga adlaw, ug adunay babala nga posibleng mas grabe ang kahimtang sa Kyiv kon modumili.
