Gipadayag ni Senate President Pro Tempore Panfilo Lacson nga siya gikombinse sa pipila ka retiradong opisyal sa militar aron mahimong bahin sa usa ka “civil-military junta”, apan wala kini niya gitagad ug gilabay ang ideya.
Matod sa senador, ang ing-ani nga panukala naggikan sa kasuko sa publiko batok sa halapad nga korapsyon, lakip na ang mga kontrobersyal nga flood control projects. Bisan pa, gipaklaro ni Lacson nga labag kini sa Konstitusyon, ug bisan unsang junta, “transition council,” o military “reset” dili angay tumanon. Sa iyang tubag sa nagatulak niini: “Dream on.”
Nag-awhag si Lacson nga ipadayon ang pagbatikos sa katiwalian, apan dili dapat isakripisyo ang 1987 Constitution.
Gipaklaro usab sa senador nga klaro sa Konstitusyon ang line of succession, nga nagtapos sa House Speaker. Busa iyang gisugyot ang Designated Survivor Bill aron mapalapdan ang succession ug masiguro ang continuity of government sa panahon sa krisis.
Gipasabot niya usab nga ang Catholic Church tutol sa bisan unsang marahas o extra-legal nga paagi sa pag-ilis sa gobyerno, nga naghatag og klaro nga signal batok sa posibleng pagdaug-daug sa democratic nga proceso.
