Ugdaw ang pipila ka mga panimalay sa Purok San Nicolas,Bry.Buhangin Proper ning dakbayan sa Davao pasado alas Dos kagahapon sa hapon.
Subay sa inisyal nga imbistigasyon sa mga otoridad mokabat sa Unom ka mga balay ang naugdaw atol sa sunog.
Mokabat usab sa Dusi ka mga pamilya ang apektado diin Unom ka mga pamilya nga mao ang tag-iya samtang Unom usab ang mga sharer sa panimalay.
Sa pagkakaron, nagpadayon pa ang gihimong pagsusi sa mga otoridad aron masayran ang hinungdan sa pag-ulbo sa kalayo.
Wala pa usab masayri ang kinatibuk-an nga danyos atol sa nahitabong sunog.
Hinuon walay nakabsan sa kinabuhi atol sa insidente apan adunay pipila ka minor injuries nga nareport.
Nagpasalamat usab ang katawhan sa pagresponde sa Community Emergency Response Team, Buhangin Fire Station 911, Volunteer Fire Brigades sa Davao City aron nga mapalong ang kalayo.
Gihiluna usab ang mga biktima sa Purok Waling2 Basketball Court karong panahuna nga gihatagan na usab og mga pasiunang tabang.
Samtang gipaabot usab sa mga bombero ang problema sa ang gamay ug lisod sudlan nga dalan sa maong lugar nga nakabalda sa ilahang operasyon.
