Gimandoan sa City Council ang tukion nga insidente sa polusyon sa Tamugan-Panigan River human nga namatikdan ang pag-itom ug kabaho sa tubig niadtong Oktubre 20, 2025, nga nagpukaw sa kabalaka sa mga residente ug environmental groups.
Sumala ni Councilor Temujin Ocampo, posibleng gikan sa usa ka umahan sa Barangay Tamugan ang gigikanan sa kontaminasyon.
Tungod niini, temporaryong gibawal ang pagligo ug paggamit sa tubig sa maong sapa samtang ginahimo pa ang imbestigasyon.
Ang mga Bantay Bukid volunteers mipahigayon na og inisyal nga assessment ug misumite na og report sa CENRO ug Watershed Management Council aron masuta ang lawom nga hinungdan sa polusyon.
Dugang pa ni Ocampo, ang insidente mahimong paglapas sa Clean Water Act, Water Code of the Philippines, ug sa Davao City Watershed Code, nga naglatid sa mahigpit nga pagpanalipod sa mga sapa ug watershed sa syudad.
Gihangyo sa konsehal ang DENR-EMB XI, CENRO, ug Watershed Management Council nga paspasan ang imbestigasyon ug patubagon ang responsable, aron dili na mausab ang ingon nga kadaot sa usa sa labing importante nga tinubdan sa tubig sa Davao City.
