Misaka na sa 1,089 ka aftershocks ang natala human sa magnitude 7.4 ug 6.8 nga linog nga miigo sa Manay, Davao Oriental niadtong Oktubre 10, 2025, base sa pinakabag-ong datos sa Mati Seismic Station as of alas-9 sa buntag, Oktubre 12.
Sumala ni Edward Orquillas sa DOST-PHIVOLCS, sa maong ihap, 505 ang na-locate ug 14 niini ang nabati sa lain-laing lugar sa Davao Region.
Ang kusog sa mga aftershocks nag-range gikan sa magnitude 1.2 hangtod 5.8, lakip na ang gitawag nga “doublet earthquake”, duha ka linog nga halos pareho og kusog ug natala sa magkalahi pero duol nga lokasyon.
Padayon karon ang PHIVOLCS sa pagbantay sa mga seismic activity sa rehiyon aron masiguro ang kaluwasan sa mga residente ug malikayan ang dugang kadaut sa mga lugar nga apektado sa sunod-sunod nga pagtay-og sa yuta.
