Mibutyag si Senador Raffy Tulfo nga andam siya mubiya sa iyang pwesto kung siya mismo magpositibo sa mandatory drug test sa Senado, ug mopahawa usab sa iyahang opisina ang bisan kinsa nga magpositibo.
Gipailalom ni Tulfo sa drug test ang iyang 54 ka staff kagahapong adlawa, pipila ka adlaw human misaka ang alegasyon nga adunay empleyado sa Senado nga misulay sa paggamit og marijuana.
Gipasiugda sa senador nga tanang empleyado, gikan sa iyang opisina hangtod sa utility, kinahanglan moagi sa mandatory drug testing tungod kay ang sweldo maoy gikan sa katawhan.
Giingon niya nga kon adunay magpositibo sa iyang team, tatanggalon dayon kini, ug kung siya mismo magpositibo, siya mismo ang muresign.
Gipahibalo usab ni Tulfo nga magpadayon gihapon kini sa pagpahigayon og random drug testing sa iyahang opisina aron masiguro nga walay nagagamit og droga sa iyahang mga empleyado.
Samtang, nagpa-drug test na usab si Sen. Juan Miguel Zubiri ug ang iyang mga empleyado niadtong Lunes, samtang gimanduan sab ni Sen. Loren Legarda nga magpadrug testing ang iyahang mga staff.
