Mibanaw ang dugo sa usa ka lalake ngadto sa kalsada sa Barangay Magatos, Asuncion, Davao del Norte, pasado alas-7 kaganihang buntag, Agosto 17, sa dihang nalambigit sa aksidente ang usa ka motorista.
Giila ang biktima nga si Lope Meres, Jr., lineman ug drayber sa Northern Davao Electric Cooperative, Inc. (NORDECO).
Matod pa sa inisyal nga imbestigasyon, gikan pa unta sa usa ka training sa butchery ang biktima ug gituohang kulang kini sa tulog. Posibleng nakatulog kini samtang nagmaneho pauli sa Carmen.
Makita sa maong video ang patay’ng lawas nga gitabonan na lamang og dahon sa saging samtang klaro nga napagan pag-ayo ang ulo, nga maoy hinungdan sa iyahang kamatayon.
Nagpadayon pa ang imbestigasyon sa kapulisan aron masuta ang tinuod nga hinungdan sa aksidente.
