-- ADVERTISEMENT --
Gipadayag ni Senadora Imee Marcos ang iyang rason sa pagboto nga i-archive mga artikulo sa impeachment batok kang Bise Presidente Sara Duterte.
Matod niya, ang korte suprema kinahanglan respetuhon ug dili angay nga insultohon pinaagi sa pagpakita og sobra nga gahum nga daw mas labaw pa sa korte suprema.
Gihatagan usab ni Marcos og pahimangno ang mga miyembro sa Kongreso.
Sa iyang pahayag, gisugyot nga inay nga tutukan ang pagpahawa sa usa ka lider nga gipili ug gisuportahan sa katawhan, mas maayo pa nga tan-awon nila ang ilang kaugalingong lider nga sila ra ang nagpili.
Gihagit niya ang mga representante nga hunahunaon kung kinsa ang mas angay pulihan, ilabi na kung ang ilang speaker mao ra ang gipili sa ilang han-ay ug dili sa katawhan.
-- ADVERTISEMENT --
