Natapos na ang kampanya ni Pinay tennis star Alex Eala sa Wimbledon.
Wala nakapugong si Eala sa iyang labing unang duwa niini sa Wimbledon batok sa defending champion nga si Barbora Krejcikova, sa score nga 6-3, 2-6, 1-6.
Sa unang set, nakuha ni Eala ang kadaugan, apan pag-abot sa ikaduha ug ikatulong set, gipakita ni Krejcikova ang iyang kahanas sa dula batok sa world ranked 56 nga player.
Nipatigbabaw ang abilidad sa Czech player diin nakab-ot niya ang 5-0 nga puntos sa ikaduhang set.
Si Krejcikova wala nakaduwa sa quarterfinals sa Lexus Eastbourne Open niadtong milabay nga semana tungod sa injury, samtang nakaabot pa sa finals si Eala sa maong torneo.
Gidayeg sab sa Czech player si Eala tungod kay nakahatag kini og kahanas sa unang round.
Sunod nga makaatbang ni Krejcikova mao si World No. 66 Caroline Dolehide o si World No. 94 Arantxa Rus sa ikaduhang round.
Samtang si Eala magpadayon sa women’s doubles kauban ang iyang partner nga si Eva Lys, diin ilang maatubang sila Olga Danilovic ug Anastasia Potapova karong Miyerkules.
