Human sa usa ka semana nga pagpatuman dagkong pagsaka sa presyo sa mga produktong petrolyo , lauman ang big-time rollback sa una nga semana buwan sa Hulyo.
Base sa 4-day trading, adunay gipaabot nga rollback nga P1 ngadto sa P1.40 matag litro sa gasolina samtang ang diesel mahimong mukunhod sa P1.60 ngadto sa P2.10 matag litro.
Gipaabot usab ang rollback sa P2 hangtud P2.20 kada litro alang sa kerosene.
Gilambigit sab sa Department of Energy-Oil Industry Management Bureau ang nakatakda nga dakong rollback sa musunod nga semana, gumikan sa nahitabong ceasefire tali sa Iran ug Israel nga mamahimong magpakunhod sa pressure sa suplay sa lana.
Gipaabot nga ipahibalo sa mga kompaniya sa lana ang opisyal nga presyo sa mga produktong petrolyo karong Lunes ug epektibo kini karong Martes, Hulyo 1.
