Sardinas posibleng magkulang tungod sa pagsaka sa gasto sa produksyon

Nagbahad ang Canned Sardines Association of the Philippines sa posibleng kakulang sa barato nga sardinas sa merkado.

Kini tungod sa padayon nga pagsaka sa gasto sa produksyon sa milabayng mga tuig.

Sumala sa maong grupo, sulod sa tulo ka tuig wala gayud sila nagtaas sa presyo sa ilang produkto, bisan pa man og nangayo na sila og pagsaka sa presyo sa Department of Trade and Industry (DTI) sa makadaghang higayon.

Matod pa ni Francisco Buencamino, Executive Director sa asosasyon, dugay na nilang gihangyo ang DTI nga dugangan og P3.00 ang presyo sa ilang produkto, apan hangtod karon, kapin tulo na ka tuig ang nilabay, wala gihapon kini matuman.