Naglaum ang mga dabawenyo nga makatambong ang kanhi pangulo sa mamahimong oath taking niini. Gibutyag ni Bise Presidente Sara Duterte nga padayon kining nagapakighinabi sa mga abogado sa International Criminal Court sa hisgutanang proklamasyon sa kanhi pangulo.
Kahinumduman nga mitala og mukabat sa 662,630 nga boto si Kanhi Pangulo Rodrigo Duterte base sa gipaguwang opisyal ug pinal nga resulta sa Board of Canvassers diin nagtugyan niini isip musilbing mayor sa umalabot nga bag-ong termino. Kabahin niini, nahimo usab nga pangutana ang bakanteng pwesto sa umalabot nga mayor ingon man anaa gihapon kini sa The Hague, Netherlands.
Nasayran nga una na usab nga gikanayon ni George Erwin Garcia ang tigpamaba sa COMELEC nga mamahimo gihapong maproklama isip bag-ong mayor ning dakbayan ang kanhi pangulo bisan pa og dili kini present mismo sa maong proklamasyon. Dugang niini nga itugya usab sa buhatan ang maong kaso ngadto sa Department of Interior and Local Government (DILG) kun ogaling mamahimo kining mangatungdanan.
Samtang gibutyag usab sa bise presidente nga duna pa silay hangtod Hunyo 30 nga makamugna silag solusyon aron nga mamahimong maka oath taking ang kanhi pangulo.
