Gipasalig sa Department of Agriculture nga aduna pay igong kita ang mga lokal nga mag-uuma sa nasud subay sa pagpatuman niini sa P35 matag kilo nga presyo sa pagbaligya sa NFA rice.
Ang nag-una nga tumong sa Department of Agriculture pinaagi sa National Food Authority mao ang pagsiguro sa food security sa nasud.
Sumala pa sa ahensya, nga kinahanglang masiguro ang patas ug igong kita sa mga mag-uuma aron kini makapadayon sa ilang lokal nga produksyon sa bugas.
Gihatagan usab og gibug-aton sa Kamara ang panginahanglan nga balansehon ang kaayohan sa mga konsumidor ug mag-uuma.
Dugang pa niini, nga dako usab og tabang kung ang farm gate price sa mga ani nga produkto mapabilin nga taas, samtang ubos ang presyo niini sa mga merkado.
Kalabot niini, misaad ang Kamara nga padayon niini nga bantayan ang mga polisiya ug tun-an ang mga gikinahanglan nga interbensyon bahin niini.
