Patay ang duha ka mga gagmay’ng bata human nga nalakip sa pagkasunog sa usa ka panimalay sa Purok 1, Apex Village, Brgy. Elizalde, Maco Davao De Oro kagahapon sa buntag.
Subay sa inisyal nga imbistigasyon sa mga otoridad, pasado alas Nuybi sa buntag, nahitabo ang pagsilaob sa kalayo sa usa ka panimalay nga gipanag-iyahan sa mga biktima.
Sumala pa sa impormasyon nga ang duha ka mga bata nag-edad ug Tres anyos ug Usa ka tuig nga natanggong sa sulod sa balay atol sa pagkasunog.
Samtang ang kamagulangan niini ang dali nga naluwas sa mga residente sa nasampit nga lugar. Nasayran nga usa ka kandila sumala pa nga nabiyaan ang natumba nga maoy hinungdan sa pag-ulbo sa kalayo.
Sumala pa sa report nga atol sa maong sunog wala ang amahan sa mga biktima gumikan anaa kini sa trabahuan.
Sumala pa nga ang inahan usab sa mga bata ang anaa sa Manila aron nga mag-abroad.
