Napabilin ni Japanese boxing star Naoya Inoue ang pagka-undisputed super bantamweight title homan nga napatumba niini si Ye Joon Kim sa ikaupat nga round.
Sa pagsugod sa panagsangka nga gipahigayon sa Ariake Arena sa Tokyo , Japan, nahimong agresibo na si Inoue ug gipaulanan sa mga sumbag si Kim.
Si Kim ang gipuli kang Sam Goodman nga mi-atras sa panagsangka sa ikaduhang higayon pipila ka semana sa wala pa ang panagsangka.
Unang gikatakda kaniadtong Disyembre 24 ang pakigsangka ni Inoue kang Goodman apan, kini ang mi-atras hangtod sa onse ka adlaw sa wala pa ang panagsangka ug mi-atras pagbalik hinungdan nga gipuli na si Kim.
Nakita ni Inoue nga dili hulga sa iyaha si Kim, hinungdan nga gipunterya niini ang mga sumbag sa lawas ni Kim.
Sa katapusang segunsdo sa round 3, namatikdan na ni Kim ang mga sumbag ni Inoue sa tiyan nga miresulta sa pagkatumba niini pagsulod pa lamang sa ikaupat nga round.
Gipahayag usab sa promoter niini nga si Bob Arum nga makigsangka si Inoue sa Las Vegas ug Saudi Arabia sa mga mosunod nga bulan.
Pipila sa makalinyang makalaban niini mao si Alan Picasso ug Murodjon Akhmadaliev ang number 1 contenders sa WBC ug WBA.
Adunay 29 ka mga daug ug wala pay pildi ug 26 knockouts si Inoue samtang, si Kim ang adunay 21 ka mga daug, upat ang pildi, duha ka draw ug 13 knockouts.
