Andam ang kanhi Gilas Pilipinas nga si Andray Blatche sa posibilidad nga magsilbing national team coach.
Mao kini ang iyang laraw sa dagan sa iyang basketball career sa hapit na niini nga pagretiro.
Matod pa niini, nga malipayon niya nga dawaton ang maong kahigayonan kung mahatagan kini og kahigayonan nga makasalmot sa programa sa Gilas Pilipinas.
Kahinumduman nga mitabang og nakatampo usab si Blatche sa national team human kini miduwa isip naturalized player niadtong 2014 hangtod 2019.
Mao nga mapasalamaton ang kanhi player sa Gilas ilabi na sa iyang mga nakaduwa, ug niingon nga iyang gikonsiderar ang Pilipinas nga iyang ikaduhang pinuy-anan.
Sa dili pa manamilit sa iyang playing career, makita na usab kini karong tuiga uban sa Strong Group Athletics team alang sa Dubai International Basketball Championship.
Posible nga makit-an ang basketbolista sa katapusang higayon sa wala pa ang pagretiro niini sa natad sa professional basketball.
