Nagpaguwa og report ang Department of Agriculture Operations Center labot sa kadaot nga dala sa shear line sa pipila ka mga bahin sa nasud.
Lakip sa mga apektado mao ang humay, mais, high-value crops, livestock ug poultry sa Mimaropa, Western Visayas, Eastern Visayas, Davao ug Soccsksargen Regions.
Ang maong kadaot maoy gilangkuban sa 3,692 ka ektarya sa agricultural lands, nga adunay gidaghanon nga pagkaguba sa produksyon nga 472 metriko tonelada ug nakaapekto sa dili muubos sa 1,887 ka mga mag-uuma.
Ang labing dako nga bahin sa maong nadaot nga miabot 86% maoy gikan sa rice production nga adunay kinatibok-ang P58.44 Milyon.
Ang pagkalugi sab sa mga binuhing hayop ug manok anaa sa P4.12 million, anaa usab sa P2.87 million ang high-value crops ug mais nga anaa sa P2.23 million.
Posible usab sumala pa kining madungagan sa mga musunod nga adlaw, gumikan sa nagapadayon nga mga pag-ulan sa pipila ka parte sa nasud.
