Padayon gihapon ang pagpangita sa mga rescuer sa nakalabay nga adlaw alang sa mga survivors human nga miigo ang makusog nga linog, rason nga mokabat sa 126 nga mga indbidwal ang nakabsan sa kinabuhi ug midamyos kini ngadto sa 3,000 ka mga dakbalay sa remote region sa Tibet sa China.
Samtang 188 sab ka mga tawo ang natalang samaran.
Gilusad na sab ang halapad nga rescue operation sa kasamtangan sa maong panghitabo alang sa mga posibleng survivor uban ang ginalauman sab nga pagkunhod sa temperatura sa rehiyon sa -16 degrees Celsius.
Una na sab nga miigo ang magnitude 7.1 nga linog sa Tibet duol sa Everest nga adunay gilawmon nga 10 km kon 6 miles, kana subay sa datos gikan sa US Geological Survey.
Nabati sab ang makusog nga pagtay-og sa Nepal ug pipila ka mga parte sa India nga duol sa Tibet.
Ang miigo nga linog sa China niadtong adlawng martes, ang usa sa giisip nga labing dilikado nga pagtay-og nga miigo sa ilahang nasud.
