Gibutyag sa walay lipod-lipod ni Vice President Sara Duterte nga nakahibalo na matud pa kini sa mga nag-unang pangandoy sa kasamtangang House Speaker nga si Martin Romualdez, nga sumala pa, gusto kuno kini si Romualdez nga mamahimong pangulo sa nasud.
Sigon pa ni Duterte nga ang usa matud pa sa mga nag-unang rason og nganong pursigido matud pa si Romualdez nga ipamugos ang pag-amyenda sa konstitusyon kon charter change, mao ang personal interest niini, aron nga mapadali ang proseso matud pa nga mamahimo kining makalingkod isip musunod nga pangulo sa nasud.
Hingpit sab nga gatuo si Duterte nga usa matud pa kini ka politically motivated, gumikan nauna nang aduna na matud pay lamat ang relasyon niini ngadto sa administrasyon.
Dugang pa nga naanad na sumala pa kini sa tanang mga batikos nga nadawatan, apan ang iyaha lamang nga gikasakit mao ang paglakip usab sa maong mga pagdungog ang mga personahe niini, ilawom sa Office of the Vice President.
Apan gihimakak usab kini sa pipila ka mga magbabalaod nga wala matud pay nahitabong pagpumilitak sa ilahang ginapahigayong pagdungog sa kamara.
Samtang sa laing bahin, gihimakak sab ni Vice President Sara Duterte ang gikaingong political plot nga gitawag nag “Save the Queen” aron lamang nga himuon matud pa siya musunod nga Pangulo sa nasud.
Gisaysay sa bise presidente nga wala matud pay operator nga ipangalan ang iyahang operasyon sa og unsa usab ang iyahang tumong.
Nagsugod matud pa ang maong isyu nga Save the Queen plot, human ang nahimong rebelasyon ni kanhing Bureau of Customs (BOC) Intel Officer Jimmy Guban sa pagdungog sa House Quad Committee niadtong nakalabayng mga semana, diin gibulgar niini ang mga ginapatay nga ginabuhat sa ginatawag nga Davao Mafia, ug lakip na sab nga luwason sumala pa ang queen, aron nga mahimong musunod nga pangulo sa nasud Pilipinas.
Samtang, gipaklaro ni House Committee in Good Government and Public Accountability Chairman Rep. Joel Chua nga tumong matud pa sa ilahang mga pagdungog mao ang transparency ug accountability.
Gibutyag sab ni Chua nga aduna matud pay cover-up nga nagakahitabo, gumikan ang mga ginapatambo maoy mag indibidwal nga wala matud pay alamag sa mga hisgutanan.
