Gibatikos karun sa kadaghanan, hilabi na sa mga netizens ang nahimong pamahayag ni Police General Rommel Francisco Marbil nga dili matud pa matawag nga adik ang usa ka tawo nga nagagamit og iligal nga droga, gumikan aduna matud pay mga inidibidwal nga nagagamit sa maong illegal substance, aron lamang nga magpabilin sa ilahang kaugalingon nga magmata, gumikan aduna matud pay mga trabaho ang pipila nga kinahanglan nga magbilar aron nga maka comply sa ilahang mga tasks sa trabaho.
Sumala usab sa pipila ka mga netizens, nga ilohikal matud pa ang nahimong komento sa maong Heneral, gumikan layo ra matud pa ang iyahang ginabuot-pasabot sa maong hisgutanan, diin nagapakita lamang matud pa kini nga ang Philippine National Police, nagatolerate na og mga tawo nga buot mugamit sa ginadili nga droga.
Samtang to the rescue usab ang buhatan sa Philippine National Police, diin dalib sab nga gidepensahan ang nahimong pamahayag sa ilahang labaw.
Matud pa ni PBGen. Jean Fajardo ang tigpamaba sa PNP nga na-out of context lamang matud pa sa katawhan ang nahimong pamahayag ni Marbil.
