Gipadad-an na og pormal nga sulat si kanhing Pangulong Rodrigo Duterte, diin nakalatid sa maong sulat mao ang imbitasyon nga patambungon na kini sa umalabot nga pagdungog sa Kamara karung umalabot nga adlawong Martes, petsa 22 ning bulana, diin magsugod kini sa 9:30 ang takna sa buntag.
Dugang pa nga usa sa hisgutan sumala pa niini mao ang labot sa Extra Judicial Killings nga natigayon kaniadtong anaa pa kini sa posisyon sa pagkapangulo sa nasud.
Ang maong sulat nga imbistasyon maoy pinirmahan ni Rep. Robert Ace S. Barbers ang Chairperson sa Committee on Dangerous Drugs.
Kahinumdumang una nang gihagit ang Kamara sa kanhi Pangulo nga andam kining mutambong sa maong ipahigayong pagdungog, aron tubagon ang mga ginalambigit nga mga isyo ngadto kaniya ug dili na matud pa kinahanglan nga mangdamay pa ang taga Kongreso og laing tawo nga kuhaon nila isip witness o resource person aron mu-testimonya labot sa maduguong war on drugs sa nakalabayng administrasyon.
Samtang gibutyag usab ni PCapt. Hazel Tuazon ang tigpamaba sa Davao City Police Office nga abli sumala pa ang ilahang buhatan alang sa bisan unsa mang ipahigayong imbestigasyon sa Senado ug Kamara, labot sa War on Drugs sa nakalabayng administrasyon Duterte.
