Babaye, gipatay sa iyang giutangan gumikan sa kakulit!

Kabsan sa iyang kinabuhi ang usa ka babayeng igo ra naningil og utang.

Subay sa imbestigasyon sa kapulisan, nagkalalis matud pa ang suspek ug ang biktima niadtong Oktobre 15 ning tuiga sa Mauban, Quezon Province.

Ang biktima usa ka 42 anyos ug giilang si Michelle Pajarillo, samtang ang suspek usa sab ka babaye ug sa dihang naningil na ang biktima, miinit matud pa ang ulo sa suspek gumikan nakulitan kini pag-ayo samtang naningil ang biktima rason nga miresulta kini sa panaglalis dayon pagpanunggab.

Nasayran sa otoridad nga miabot sa P200,000 ang utang sa suspek ngadto sa biktima ug ang balay sa magtiayong dunay utang sa biktima maoy collateral.

Hinoon, mitahan na ang suspetsado ug anaa na sa kwerpo sa kapulisan alang sa tukmang disposisyon.