Dili interesado ang gobyerno nga muhatag ug access sa International Criminal Court (ICC) sa findings sa nagpadayong House quad committee investigation nga adunay kalabutan sa extrajudicial killings (EJKs) panahon sa maduguong war on drugs sa Duterte administration.
Gibabagan sa Malakanyang ang panawagan nga ipasa sa ICC sa Marcos administration ang mga rebelasyon sa mga key witnesses sa mga pagdungog aron makatabang sa imbestigasyon nga adunay kalabutan sa EJKs.
Gitubag ni Executive Secretary Lucas Bersamin ang nahimong pahayag sa National Union of Peoples’ Lawyers nga isubmitar ni Pangulong Ferdinand Marcos jr. ang mga materyales sa quad committee sa ICC.
Samtang gipahayag usab ni Human Rights Watch senior researcher Carlos Conde nga mas maayo sa gobyerno nga mutabang sa ICC sa pagtugot sa mga imbestigador nga adunay access sa mga witness ug mga testimonya, homan sa rebelasyon ni retired Police Col. Royina Garma sa drug war.
Samtang gipahayag usab ni quad committee lead chair Rep. Robert Ace Barbers nga walay plano ang super panel nga i-turn over ang bisan unsang rekord niini o mga dokumento sa ICC.
