DAVAO CITY- Pormal na nga miduso sa iyahang kandidatura sa pagka-mayor ning dakbayan sa Davao si Kanhing CSC Chairperson Atty. Alexie Karlo Nograles. Pasado alas nuybi kaganihang buntag miduso kini ug COC uban ang iyahang pamilya sa Comelec Magsaysay Park.
Gidagsa usab sa iyahang mga supporters ang kanhing Congressman nga nakasuot ug puti ug blue nga t-shirts nga nagpaabot sa gawas sa nasampit nga buhatan.
Nasayran nga kagahapong adlawa,mikanaog na kini sa pwesto isip labaw sa Civil Service Commission.
Makaatbang ni Nograles si kanhing Pang. Duterte, Bishop Cubos, Roweno Caballes kon Boy Isog, ug ang 73-anyos nga nagduso karong hapon nga si Joselito Tan.
Samtang Dungan sab nga nakaduso sa iyahang kandidatura si PBA Partylist Representative Atty. Migs Nograles sa pagka-kongresista sa unang distrito ning dakbayan sa Davao.
Makaatbang ni Nograles si Cong. Pulong Duterte, Rex Labis,Janeth Jabines, ug Maria Maglana.
Nasayran nga ang mga Nograles ang mokandidato isip Independent. Sa laing bahin, niduso na usab sa pagka- bise Mayor si Konsehal Bernie Al-Ag ganihang alas Dyes sa buntag isip usa ka Independent Candidate.
Samtang ang igsuon niini nga si Wilfredo Al-Ag ang miduso usab ug COC pagka-Kongresista sa ikatulong Distrito ning syudad sa Davao.
Makaatbang niini sa maong posisyon si Kasamtangang Congressman Isidro Ungab, ug Lito Monreal.
Samtang una na sab nga nagduso sa ilahang kandidatura pagka- Kongresista sa ikaduhang Distrito sila Konsehal Javie Campos, Kapitan Omar Duterte ug Melogen Montesclaros.
