Gibutyag sa Malakanyang kagabii ang desisyon sumala pa ni Karlo Nograles nga hingpit na kining mukanaog isip chairperson sa Civil Service Commission pinaagi sa iyahang gipadalang sulat ngadto kang Pangulong Bongbong Marcos Jr. Subay sa maong press release, gibutyag sumala pa ni Nograles nga aduna matud pa kini laraw nga musulod kini sa public office sa Davao City. Dugang pa sa maong opisyal nga buot niining mubalik nga mulingkod ug posisyon sa gobyerno sa dakbayan sa Davao, aron nga ma-apply sumala pa ang natun-an sa CSC. Sigon ni Nograles nga ayha pa man kining nahimong labaw sa maong komisyon, nahimo pa kini kaniadto nga usa ka congressman, diin gilangkuban sa tulo ka termino ang iyahang nahatag nga serbisyo ngadto sa iyahang ginsakpan nga distrito kaniadto. Lakip sab sa gipasigarbo sa maong opisyal ang iyahang partisipasyon, labot sa pagduso sa mga balaod sama sa Green Jobs Act, The JobStart Philippines Act, ug The Universal Access to Quality Tertiary Education Act.
