Nagpagawas ug sentimento si kanhi Presidential Spokesperson Atty. Harry Roque kalabot sa mando nga ipadakop siya sa Quad Committee sa Kamara.
Sumala pa ni Roque sa iyang social media account nga ang inquiry sa Quad Comm usa sumala pa ka police inquisition batok sa pamilyang Duterte ug ngadto kaniya.
Diin klaro matud pa nga gipunting niini si kanhi Presidente Rodrigo Duterte sa isyu sa EJK; lakip si Davao City 1st District Representative Paolo Duterte ug Atty. Mans Carpio, nga bana ni Bise Presidente Inday Sara Duterte, sa isyu sa druga, ug siya usab sa isyu sa POGO.
Gikanayon ni Roque, nga sa isyu sa POGO tataw sumala pa nga mibutyag si Cassandra Li Ong nga dili siya abogado sa Lucky South 99, ug ‘end of story’ na unta, apan wala gihapon mohunong ang sumala pa power tripping sa mga kongresista.
Dugang pa sa nahisgutan, nga nagsumite na siya ug mga dokumento nga nagpamatuod nga wala kini labot sa POGO.
Dugang pa sa nahisgutan nga bisan og mosubmitar pa kini sa mga rekisitos, mangita gihapon og pamaagi ang mga kontresista arun madut-an siya.
Sa panapos sa iyahang post, gikanayon sa nahisgutan nga dili na kini motunga sa QuadCom hangtod nga madala ang maong mga butang ngadto sa Korte Suprema.
Sumala pa niya nga kontento na kini nga iyahang maangkon ang hustisya nga angay kaniya ug sa iyang pamilya.
