Mibalibad si Vice President Sara Duterte nga tubagon ang mga pangutana nga adunay kalabutan sa isyu sa confidential funds sa Office of the Vice President.
Matod pa sa ikaduhang pangulo, dili insaktong pangutan-on kini sa nahisgutang pondo gumikan kay ang tumong sa hearing ang alang sa 2025 budget sa ilahang opisina nga mukabat sa P2 billion ug wala nahilakip niini ang 2025 confidential funds.
Sa gihimong pagdungog sa House Committee on Appropriations, gipakita sa COA ang gi-isyu niining notice of disallowance sa P73 million nga kantidad sa confidential funds nga gigasto sa Office of Vice President niadtong 2022.
Gipangutana ni Castro si Duterte kung paunsa na-disbursed ang P73 million sa confidential funds nga wala usab gitubag sa bise presidente.
Gitawag sa bise presidente nga insulting comment ang nahimong pahayag ni Castro hinungdan gipangayo niini kang Marikina Rep. Stella Quimbo nga mao usab ang mibarog nga senior vice chairperson sa House budget panel nga tugutan kini nga magpadayag ug insulting comment.
Apan gipahayag ni Quimbo nga wala kini nakitang insulting comment sa nahimong pangutana ni Castro.
