Nagpadayag ug kabalaka ang Commission on Human Rights (CHR) sa matod pa misreporting nga gihimo sa police blotters sa dakbayan sa Davao, nga usa ka pagsulay aron matabunan ang tinuod nga crime statistics sa syudad.
Matod pa sa CHR, ang report mahitungod sa discrepancies sa duha ka police log books ang nagpakita ug managlahing entry reports.
Matod pa nga ang usa ka blotter ang nagbaton ug lesser records ug sayop nga classification sa kaso nga miresulta sa reassignment sa 19 police station commanders sa dakbayan sa Davao.
Gipahayag pa sa CHR nga gi-require sa Philippine National Police (PNP) Operations Manual ang matag PNP operating unit/station nga ipabilin ang duha ka managlahing police blotters , usa ang kolor blue ug usa nga kolor rosas kun pink nga blotter.
Ang blue blotter ang gikinahanglang adunay daily registry sa tanang crime incident reports lakip na ang summaries od arrest ug uban pang panghitabo o insidente nga gika-report, samtang ang pink blotter ang adunay reported cases nga adunay kalabutan sa Violence Against Women and Children, Trafficking in Person ug uban pang gender based violence.
Isip public document, gipahayag sa CHR nga ang police blotter ang gikinahanglang abre sa mga lehitimong miyembro sa media ug gikinahanglan nga dili makompromiso ang national security ug public safety, samtang gikinahanglang pagabansayon ang PNP sa transparency ug accountability sa paghatag ug inpormasyon sa publiko.
Gikanayon usab sa nahisgutang ahensya nga samtang giila ang kagustuhan sa law enforcement sector nga paubsan ang crime rate sa nasud, dili kini gamiton nga hinungdan aron maghimo ug mispresentation sa status quo sa komunidad.
