DAVAO CITY- Nakighiusa ang mga myembro sa Bayan Muna Southern Mindanao sa gilusad nga Day of Action for Workers and People’s Rights sa Davao kagahapong adlawa sa Freedom Park ning dakbayan sa Davao.
Kini nga kalihukan ang gipangunahan sa Kilusang Mayo Uno-Southern Mindanao Region (KMU-SMR) ug uban pang mga kaubanan nga sumala pa nagaduso sa mga katungod sa katungod sa mga trabahante sa rehiyon.
Samtang bitbit sab niini ang panawagan nga pagpatim-aw kang William Lariosa, ang giingong nag-organisa sa KMU sa han-ay sa mga sektor sa agrikultura sa mga plantasyon sa tubo ug pinya.
Si William Lariosa ang gikataho nga iligal sumala pa kining gidakop ug gi-missing sumala pa sa mga elemento sa 48th IBPA/Armed Forces of the Philippines (AFP) niadtong Abril 10 sa munisipalidad sa Quezon, Bukidnon. Nasayran nga upat ka bulan na nga wala nakaplagan si Lariosa.
Hugot sab nga gikondena sa Bayan Muna Southern Mindanao ang padayon sumala pa nga red-tagging ug intimidasyon nga ginahimo sa mga pwersa sa militar,kapulisan ug mga online troll batok sa kilusang paggawa sa Mindanao.
Ang Kilusang Mayo Uno-Southern Mindanao Region (KMU-SMR), uban ang Bayan Muna Partylist, Bagong Alyansang MakabayanSouthern Mindanao Region (BAYAN-SMR), ug ubang Dabawenyo labor rights advocates mihimo og protesta kagahapon sa buntag.
