Gipasalig ni kanhi Sen. Antonio Trillanes IV nga aduna siya’y igong impormasyon ug ebidensya sa kaso nga iyang gipasaka batok nilang kanhi presidente Rodrigo Duterte ug Sen. Christopher “Bong” Go. Kini may kalabutan sa frigate deal nga gisudlan sa miaging administrasyon.
Diin personal nga midangop si Trillanes sa Department of Justice (DOJ) niadtong Miyerkules dala ang bundok nga mga dokumento.
Ang reklamong plunder batok ni kanhi Presidente Duterte, Sen. Bong Go ug uban pang opsiyal ubos sa kanhi administrasyon ng iyahang gipasakaan.
Lakip usab sa mga gipasakaan og kaso si kanhi Defense Usec. Raymundo Elefante, kanhi Budget Usec. Lloyd Christopher Lao, ug kanhi Philippine Navy (PN) chief Admiral Robert Empedrad.
Giingong nag-ugat kini sa P16 bilyones nga Philippine Navy Frigate Acquisition Project nga giingong nanghilabot sa duha bisan pa nga adunay laing rekomendasyon ang nagdumala nga mga opisyal.
Nagtuo si Trillanes nga adunay anomaliya sa pagpatuman sa maong proyekto.
