Gipagawas ang immigration lookout bulletin order (ILBO) batok kang kanhi presidential spokesperson Harry Roque ug sa lain pang onse katawo nga adunay kalabutan sa gironda nga Philippine Offshore Gaming Operator (POGO) hub sa Porac, Pampanga.
Gipagawas ang ILBO batok kang Roque; Cassandra Li Ong, ang awtorisadong representante sa Porac POGO hub; kanhi Technology and Livelihood Resource Center (TLRC) deputy director general Dennis Cunanan ug uban pa.
Matod pa sa Department of Justice, gikunsedera ang pagpagawas sa immigration lookout bulletin order (ILBO) batok sa mga nahisgutan aron masubay ang mga iteneraryo sa ilahang pagbyahe ug nahimutangan.
Samtang gisaway usab ni Atty. Roque ang nahisgutang ILBO nga usa ka tataw nga harassment.
Dugang pa niini nga ang nahisgutang political witch hunt ang nagtumong nga pahilumon siya isip kritiko sa kasamtangang administrayon.
Gipahayag pa niini walay hinungdan nga mubiya kini sa Pilipinas ug atubangon niini ang mga nag-akusar kaniya ug tubagon ang tanang akusasyon.
Misalmot si Roque sa imbestigasyon sa Senado sa mga girondang POGO hubs homan nga gitabangan kuno niini ang Lucky South 99 sa Porac, nga subling mag-apply ug lisensya ug bayaran ang ilahang atraso.
Ang ebidensya lamang kuno batok sa iyaha mao ang pag-uban niini kang Ong alang sa rescheduling of arrears payment ug uncorroborated chart.
