DAVAO CITY- Gibanatan ni Davao City Mayor Sebastian “Baste” Duterte ang Department of Public Works and Highways (DPWH) atol sa iyang ikaduhang SOCA sa Rizal Park, ning dakbayan, kagahapon.
Gihatagan og gimbug-aton sa mayor ang walay klaro nga trabaho sa maong buhatan hilabi pa ang pagsayang-sayang sa kwarta sa katawhan sa dili maayo niining serbisyo.
Matud pa nga makadaghang higayon na niya kini ginapatubag apan hangtod karon dako gihapon kaayong problema ang ginapahigayon niining road repairs bisan paman maayo pa ang dalan aron lamang sementuhon pagbalik.
Nakatampo matud pa kini sa bug-at nga dagan sa trapiko hilabi pa ang pagkadelatar sa daghanang indibidwal sa kadalanan.
Kalakip sa mga lugar nga gitagaan niini og pokus mao ang dalan sa Pacquibato ug Marilog Districts nga sagad niining maagian.
Sumala pa ni Mayor Baste, inay nga magpokus sa sentro nga bahin ang buhatan, mas maayong tagaan niini og kasulbaran ang mga kadalanan sa nahisgutang mga distrito.
Laraw karon sa mayor nga mobuhat ug pagtoon ug listahan alang sa ilang buhatan aron anaa kini kasayuran sa mga dapit nga angay lamang tagaan og pagtagad
