Aduna kunoy bag-ong ebidensya ug testigo nga mulambigit kang Davao City Rep. Paulo Duterte, bayaw niining si Mans Carpio ug former Customs Chief Nicanor Faeldon sa pagpasulod sa iligal nga droga sa nasud.
Kini ang giluwatang pamahayag ni kanhi Senator Antonio Trillanes IV sa gipasaka niining kaso batok sa mga nahisgutan.
Matod pa ni Trillanes, ubos nga hinungdan ang pamulitika aron subli niining buhi-on ang isyu sa droga ug kasuhan ang mga nahisgutan gumikan kay nasaksihan sa senado kung niini gilambigit kang Duterte ang pag-import sa iligal nga droga.
Dugang pa ni Trillanes, nagsumbong kuno ang karibal nga nag-suplay ug iligal nga droga sa nasud gumikan kay napulihan sila sa dihang nakalingkod na sa pwesto ang mga Duterte.
Dugang pa sa kanhi senador, si Faeldon ang Customs Commissioner sa dihang napalusot kini ug gibalhin lang ang nahisgutan sa Bureau of Corrections isip silot.
Apan bisan paman nga anaa na sa BuCor, mihimo pa gihapon ug binuang si Faeldon sa dihang migawas ang isyu sa Good Conduct Time Allowance.
