DAVAO REGION- Gibutyag ni Harold Kim Manila, forest restoration marketing officer, Philippine Eagle foundation nga nag-unang hagit nga ginaatubang karun sa buhatan sa pagbuhi og mga Agila mao ang kakulangan sa Kalasangan sa atoang nasud.
Sumala pa nga sa pagka karun aduna nalang 392 eagle pairs sa tibuok nasud Pilipinas. Gani ang usa lamang ka Agila nagkinahanglan og mukabat sa 7 hectares forest land samtang ang usa ka pares sa Agila, nagkinahanglan og mukabat sa 11 heactares forest land.
Dugang pa nga ning kasamtangan, dunay target nga 3 Milyon trees nga matanom sa Mindanao area ang mga nagkadaiyang organization ug kini nagkinahanglan og 1,200 heactares alang sa forest restoration Aron nga dunay luwas nga area alang sa mga Agila. Pipila sa mga kahoy nga gustong itanom mao ang lawaan nga sagad ginapuyuan sa mga Agila.
Sumala pa nga nanginahanglan usab karun og manpower, ug tree planting aron ma conserve ug ma preserve ang mga Agila.
Gani dunay mga lakang ang buhatan aron ma protektahan ang mga Agila nakig coordina ang buhatan sa Indigenous People Commuties alang sa conservation sa Magestic Philippine Eagle gumikan kining mga IP ang anaa mismo sa mga area nga sagad usab ginapuy-an sa mga Agila.
Nanawagan ang buhatan sa tanang indibidwal nga magtinabangay sa pamaagi nga pag edukar kabahin sa Philippine eagle aron nga malikay ang susamang nahitabo kang Mangayon nga usa ka Agila nga napatay.
Gani ning nakaligad nga semana mikabat na sa P100,000 ang gitanyag nga reward money kon ganti alang sa kinsa mang makahatag ug adunay impormasyon sa responsable sa pagpatay sa Critically Endangered Philippine Eagle nga si Mangayon.
Kahinumduman nga igo na lamang narescue sa mga sundalo si Mangayon nga nagkadugo human nga naigo og “jolen” sa iyang wala nga pako.
Una nang nitanyag og P50,000 si Davao de Oro Governor Dorothy Gonzaga ug nidungag og laing P50,000 si Department of Environment and Natural Resources (DENR) Secretary Maria Antonia Yulo Loyzaga aron sa pagpakusog sa laraw nga madakpan ang responsable niini.
Ning kasamtangan, padayon ang paningkamot ug pagtinabangay sa mga hingtungdang ahensya aron mahatagan og hustisya ang kamatayon niini.
Subli sab kining nanawagan sa publiko nga magbinantayon kanunay ug motabang sa pag-amping sa wildlife species aron dili na mausab pa ang gidangatan ni Mangayon.
