Gibarugan ni kanhi Philippine National Police (PNP) chief Police General Oscar Albayalde nga wala niya makita ang pangalan ni Presidente Ferdinand Marcos Jr., sa kanhi drugs watchlist sa niaging administrasyon.
Kahinumduman nga ang maong watchlist naglakip sa mga opisyal sa gobyerno, PNP generals, ug uban pang high-profile nga personalidad.
Matud ni Albayalde nga baga kaayo ang listahan sa iyang pagkakita niini apan gikanayon niini nga wala usab siya’y kopya sa maong listahan, sa dihang wala pa siya nagretiro.
Si Albayalde mao’y ikaduhang Police General ubos ni kanhi PRRD, sunod kang kanhi PNP Chief ug karon Senador Ronald Dela Rosa.
Kahinumduman usab nga nahimong kontrobersiyal ang giingong kalambigitan ni PBBM sa ilegal nga druga human giingong nagpakita ang usa ka video sa usa ka indibidwal nga susama og dagway ni Marcos nga naggamit sa ginadili nga druga.
Apan sumala pa sa PNP ug sa National Bureau of Investigation nga peke ang maong video.
