DAVAO CITY- Gidawat ni Congressman Paolo Duterte ang pagduso ug kaso kaniya ni kanhing Senador Antonio Trillanes IV mahitungod sa kasong pagpalusot matud pa ug iligal nga droga.
Sumala pa sa opisyal nga kini ang usa ka welcome development alang kaniya, ug maayu matud pa tungod sa Korte sa Pilipinas ang himuong pagdun gog ug dili sa korte sa Facebook ug sa utok sa kanhi Senador, nga gitawag niini ug “utak ng isang trililing na sundalong kanin.”
Gidugang pa sa nahisgutan nga kini nga lakang ang maghatag sumala pa kanila nga mahatagan ug pagtagad ang mga akusasyon pinaagi sa ensaktong legal channels, aron sa pagsiguro nga ang kamatuoran, mopatigbabaw.
Gibarugan usab sa kongresista nga inosente kini sa maong akusasyon ug masaligon kini nga ang proseso sa balaod ang mohinlo sa iyahang pangalan.
Mas mahinungdanon sumala pa nga modangop kita sa korte inay nga ipahigayon ang pagtaral nga ang tumong sumala pa publicity sa walay mga basihanan nga alegasyon.
Gipaklaro usab niini nga wala na siya makurat pa sa gibuhat sa nahisgutan nga pagbinuang lamang batok kaniya. Samtang gikanayon usab sa opisyal nga aduna sab sila’y plano karon nga moduso ug kasong libel batok sa kanhing senador.
Nasayran nga una ng nagduso si kanhing Sen. Antonio Trillanes IV sa DOJ ug kaso nga drug smuggling ug graft and corruption batok kang Cong. Paolo Duterte, ug Atty. Manases Reyes Carpio, ang bana ni VP Sara Duterte, kanhi BOC commissioner Nicanor Faeldon ug pipila ka mga kaubanan mahitungod sa P6.4 billion nga shabu niadtong 2017.
