Ginahan-ay na sa Philippine Team ang pagahimuong pag-martsa alang sa opening ceremony sa Paris Olympics.
Gibutyag ni Philippine Olympic Committee (POC) President Abraham “Bambol” Tolentino nga pangunahan nila Pinoy boxer Nesthy Petecio ug Carlo Paalam ang parada kauban ang 16 nga ubang mga atleta.
Dili makauban si Tolentino sa parada tungod gipili niya nga molingkod sa family section sa daplin sa River Seine.
Makauban nila Paalam ug Petecio ang mga kaubanan niining boksingero nga sila Aira Villegas ug Hergie Bacyadan, hurdlers Lauren Hoffman ug John Cabang Tolentino, swimmers nga sila Kayla Sanchez ug Jarrod Hatch, gymnast Aleah Finnegan ug fencer Samantha Catantan.
Samtang makasakay sab sa bangka nga nakagahin sa Pilipinas sila Chef de Mission Juanito Victor “Jonvic” Remulla ug pipila ka mga sports officials nga si Michael Angelo Vargas sa swimming, Marcus Manalo sa boxing, Cynthia Carrion Norton sa gymnastics, Patrick Gregorio sa rowing ug Agapito “Terry” Capistrano sa athletics.
Samtang dili makauban ang mga boksingerong sila Eumir Marcial, gymnast Carlos Yulo ug rower Joanie Delgaco tungod nangandam sila sa ilahang sangka sa adlaw nga Sabado samtang si pole vaulter EJ Obiena ang nakapukos pa gihapon sa iyahang pre-game preparations sa Normandy.
Ang tulo ka mga weightlfters nga sila Vanessa Sarno, John Febuar Ceniza ug Erleen Ann Ando ang wala pa nakahuman sa ilahang tarining sa Metz ug gikatakda kini nga moabot sa Olympic Village sa Agosto 6.
Mokumpleto sa 22 ka mga-atleta sa mga nasud nga mao sila gymnast gymnasts Emma Malabuyo ug Levi Ruivivar, golfers Bianca Pagdangan ug Dottie Ardina lakip sab si judoka Kiyomi Watanabe.
Magsugod ang Opening ceremonypasado alas sais sa gabii sa Paris, apan dinhi sa Pilipinas ala-7:30 sa gabii sa Paris kon 1:30 sa kaadlawon oras sa Pilipinas sa adlawa nga Sabado.
