Pinaagi sa usa ka sulat, nag-sorry kang Senate President Francis “Chiz” Escudero ang nagtago-tago ug suspendidong Mayor sa Bamban, Tarlac nga si Alice Guo.
Giklaro sa mayor nga wala kini intensyon nga diktahan ang senado sa nahimong pahayag niini nga ibalhin sa importanteng isyu ang pagtagad sa senado ug dili kaniya.
Gusto niining mangayo ug pasaylo kung adunay walay pagsinabtanay sa mga nahimo niining pamahayag.
Dugang pa ni Guo nga wala kini intensyon nga sultihan o diktahan ang senado kung unsa ang mga angay hatagan ug prayoridad.
Nasabtan usab niini nga ang matag magbabalaod ang adunay kaugalingong katungdanan ug responsibilidad sa nasud.
Tumong lamang niini nga muhatag ug suhestyon subay sa mga problemang nasinati-an sa mga kababayan niini sa Bamban.
Wala usab gihisgutan ni Guo sa sulat kung mutambong kini sa pagdungog sa Committee on Women, Children, Family Relations and Gender Equality nga gipamuno-an ni Sen. Risa Hontiveros.
Apan gipahayag usab ni Sen. Escudero nga gikinahanglan una ni Guo nga magpakita sa senado una niini sultihan ang mga senador nga hatagan ug pagtagad ang nagkadaiyang isyu sa nasud kaysa iyaha.
Matod pa sa senador, wala sa posisyon si Guo aron sultihan ang mga senador kung unsa ang ilahang angay nga mahimong prayoridad.
