Gikumpirma karong hapon sa Office of the Vice President pinaagi sa opisyal nga pamahayag ni Vice President Sara Duterte ang pagka-relieve sa 75 niya ka mga personahe sa Philippine National Police ug Security personnel nga gidestino nga magsilbi kaniya.
Matud pa nga lakip sa maong gipangrelieve ang 33 ka mga close-in security personel nga nagsilbi sa Bise Presidente sukad pa niadtong panahon nga kini siya ang milingkod isip Mayor sa dakbayan sa dabaw.
Pagkumpirma sa Bise President nga kagahapong adlawa, Hulyo 22 atol sa SONA ni Pangulong Ferdinand Marcos Jr. adunay giisyu si PNP Chief Gen. Rommel Francisco Marbil nga pagrelieve sa 75 ka mga personahe sa PNP ug Security group.
Pagsiguro sa Bise Presidente ngadto sa publiko nga dili maapektuhan sa maong mando ang trabaho sa Office of the Vice President.
Matud pa nga magpadayon lamang gihapon ang iyahan trabaho aron maghatod ug serbisyo sa mga Pilipino, ilabi na sa underserved nga mga komunidad sa nasud.
