Gilatag ni kanhing Senate President Juan Miguel Zubiri ang mga hisgutanan nga buot niining madungog sa ikatulo nga State of the Nation Address ni Pangulong Ferdinand Marcos Jr. karong adlawng Lunes, Hulyo 22.
Sumala sa Senador, nga pipila sa mga topic nga buot niining mahisgutan sa Pangulo mao ang pagtubag sa inflation ug aron mapakunhuran ang mahal nga presyo sa goods partikular na ang bugas aron masiguro nga magbenepisyo ang matag trabahante nga Pilipino sa pagtubo sa ekonomiya.
Buot usab sa Senador nga madungog ang kalabot sa pagsaka sa sweldo sa minimum wage worker nga grabeng pag-antos tungod sa paglala s inflaton aron matabangan sila sa ilahang pang-adlaw-adlaw nga kinahanglan.
Matud pa niini nga dili igo ang bag-uhay lamang nga umento sa swledo aron matabangan ang mga Pilipino nga makasabay sa nagkataas nga presto sa mga palaliton.
Gihisgutan usab ni Sen. Zubiri nga kinahanglang adunay resolusyon sa kong unsa ang buhaton sa POGO atol sa mga isyu nga anaa karon sama sa matud pa ilegal sa aktibidad nga nadiskubrehan sa mga awtoridad sa mga giraid nga POGO hub.
