Pagagamiton sa mga kapulisan sa labing unang higayon ang anti-drone guns alang sa seguridad sa the House of Representatives sa Quezon City diin pagabuhaton ang ikatulong State of the Nation Address (SONA) ni Ferdinand ‘Bongbong’ Marcos Jr. karong umaabot nga lunes, Hulyo 22, 2024.
Sumala pa ni Quezon City Police District kon QCPD Director Brig. Gen. Redrico Maranan nga mipalit sila og tulo ka state-of-the-art anti-drone guns nga makahimo sa pagpusil sa military grade drones.
Matud pa nga ang maong mga drone guns ang adunay powerful specs, diin kaya kining mapa-take down ang halos binan unsa nga drones ug kinahanglanon.
Midumili na usab kini sa paghatag pa og dugang detalye alang sa seguridad.
Kahinumdumang adunay imuntar nga no-fly zone sulod sa 10 kilometer radius sa Batasang Pambansa complex karong adlawng lunes.
Matud pa nga ang tanang drones nga nakita sulod sa 10-kilomenter radius ang pusilon o i-disabled.
Pagpaklaro ni Maranan nga sa pagkakaron, wala gayuy hulga sa SONA ug ang ilahang pagpalit sa anti-drone guns ang parte sa usual nga precautionary measures.
Dugang pa niini nga ang mga operators sa drones nga masakpan sulod a 10 kilometer radius ang posibleng mag-atubang og criminal charges.
Sugod karong adlawa, naka full alert na ang mga kapulisan sa Metro Manila ug gani anaa sa 23,000 ka mga kapulisan ang ipakatap sa National Capital Region Police Office alang sa seguridad sa katawhan nga mutambong SONA sa presidente.
