Giklaro ni Bise Presidente Sara Duterte nga ang iyang “designated survivor” nga komento ug ang iyang desisyon nga dili motambong sa ikatulong State of the Nation Address ni Presidente Bongbong Marcos dili “joke o bomb threat.”
Gihatagan og gibug-aton ni Duterte nga daghang mga tawo ang wala makasabot sa iyang pahayag.
Natingala usab siya nga ang pagtambong sa Bise Presidente hugot nga gibantayan.
Ingon man nga wala mihatag ang Bise Presidente og dugang detalye kon nganong dili siya motambong sa ikatulong SONA ni Marcos nga gikatakda karong Hulyo 22 sa Batasang Pambansa.
Sa pikas bahin, gipaambit niini nga mingawon kini sa camaraderie sa Depeartment of Education isip Education Secretary, ingon man nga mihangyo kini sa mga top officials sa DepEd nga dili dayun muhawa aron maabagan ang bag-ong DepEd Secretary.
Nasayran usab nga nakatakdang magkita sila si Sara ug incoming Education Sen. Sonny Angara karong adlawa arun sa pag-turn over sa pagdumala sa buhatan.
