Gihagit ni Department of the Interior and Local Government kon DILG Secretary Benjamin Abalos Jr. si Kingdom of Jesus Christ Leader Pastor Apollo Quiboloy nga mosurrender na ug atubangon ang mga kaso nga ginalabay batok kaniya sa korte aron mapamatud-ang inosente kini.
Atol sa panawagan sa pagsurrender ni Pastorm giinsister usab sa kalihim nga ang hustisya ang dili lamang responsibilidad sa legal system apan sa kinatibuk-ang katilingban usab.
Gi-awhag usab niini ang tanan nga makig-usa sa pagsiguro nga ang matag biktima ang makadawat og matud pa saktong hustisya.
Pinaagi matud pa niini, dili lamang ginasuportahan ang mga apektado apan makatabang usab kini aron maka angkon og mas luwas nga palibot alang sa mosunod nga henerasyon.
Gihatagan usab og gimbug-aton sa DILG Chief nga kinahanglang kunsintihin o hatagag katwiran ang maong mga aksyon ug mahimo nga mapalambo ang kaayohan ug kaluwasan sa mga biktima ug ilang mga pamilya partikular nga ang pinaka-vulnerable sa tanan, nga mao ang kabataan.
Gihimo ni Sec. Abalos ang maong hagit isip tubag sa kanhi panawagan ni Presidente Ferdinand Marcos Jr. ngadto kang Pastor Quiboloy nga mopatim-aw ug motubag sa bug-at nga mga pasangil batok kaniya.
