Nasayran nga duha ka mga student athlete nga musalmot sa Palarong Pambansa 2024, ang kumpermado nga adunay dengue fever.
Gipahayag ni Dr. Peter Mancao, hepe sa Cebu City Medical Center (CCMC), ang mga pasyente naadmit niadtong adlaw nga biyernes.
Dugang gipahayag sa doktor nga gidala sa hospital niadtong milabay nga semana ang mga pasyente nga bag-uhay lamang naabot sa Cebu City.
Usa mga pasyente ang nagagikan sa Cordillera Administrative Region (CAR), samtang ang usa ang gikumperma pa gihapon.
Wala pa usab masayran kung unsang sports discipline ang pagasalmutan sa nahisgutang mga pasyente.
Sa kasamtangan, gipaneguro sa doktor nga andam ang hospital nga muhatag ug hinabang medikal sa mga delegado sa Palarong Pambansa, samtang tugutan lamang ang mga fully recovered nga mga pasyente nga musalmot sa Palaro.
